H�sk�lasetur Vestfjar�a - Fr�ttir

V�sindaport fellur ni�ur

Thu, 11 Mar 2010 11:23:00 +0000

Vegna stefnumótunarfundar Háskólaseturs Vestfjarða, fellur Vísindaport niður föstudaginn 12. mars. Næsta Vísindaport fer því fram föstudaginn 19. mars.

Tv� valn�mskei� hefjast

Mon, 08 Mar 2010 16:03:00 +0000

Frá og með þessari viku verða tvö valnámskeið í boði í hverri þriggja vikna lotu meistaranámsins í haf- og strandsvæðastjórnun. Nemendur munu því héðan af geta valið annað af tveimur valnámskeiðum sem í boði verða.

Í vikunni bjóðum við Einar Hreinsson velkominn en hann mun kenna námskeiðið Introduction to Marine Technology. Einar er sérfræðing hjá útibúi Hafrannsóknarstofnunar á Ísafirði og kennari við Háskólann á Akureyri, hann hefur verið viðriðinn meistaranámið frá upphafi enda hægt um við því hann er með skrifstofu og rannsóknaraðstöðu í sama húsnæði og Háskólasetrið.

Einnig bjóðum við velkomin þau Dr. Selina Heppel og Dr. Scott Heppell, sem munu kenna hitt námskeiðið sem í boði verður næstu þrjár vikur, Fisheries Managment and Ecological Modeing. Þau kenndu einmitt svipað námskeið í fyrra auk þess sem Selina var prófdómari vegna meistaraprófsverkefnis í janúar síðastliðnum.

Forst��uma�ur � fer� � Finnlandi

Mon, 08 Mar 2010 11:11:00 +0000

Það leynast víðar litlar háskólastofnanir sem bjóða upp á nám í strandsvæðastjórnun en á Vestfjörðum. Þetta varð Peter Weiss, forstöðumaður Háskólaseturs, var við í heimsókn sinni til gömlu borgarinnar Ekenäs (fi. Tammisaari), um 90 km suðvestur af Helsinki. Þar er starfrækt deild við fagháskólann Novia, sem er samstarfvettvangur nokkurra smærri sænskumælandi fagháskóla í Finnlandi.

Háskólasetur Vestfjarða og skólinn í Ekenäs eru að ýmsu leyti líkir, en þó ekki. Í Ekenäs er boðið upp á alþjóðlega námsleið í strandsvæðastjórnun, en námsleiðin þar á bæ er á grunnháskólastigi. Skólinn rekur stóra rannsóknar- og þróunarstofnun undir nafninu Aronia en engir framhaldsnemar stunda nám við skólann. Háskólasetrið og skólinn í Ekenäs sjá fram á áhugaverða samstarfsmöguleika í framtíðinni en háskólinn í Ekenäs hefur lengi stefnt að því að koma á fót meistaranámi í samstarfi við Åbo Akademi, ekki ósvipað samstarfi Háskólaseturs og Háskólans á Akureyri.

Háskólasetur Vestfjarða horfir einkum til samstarfs við finnska skólann hvað varðar kennara- og rannsóknalið hans en skólinn stendur afar vel að vígi hvað það varðar. Ekenäs skólinn horfir aftur á móti til þeirra möguleika sem samstarf í kennslu býður upp á, sem og til þess samstarfsnets sem Háskólasetrið hefur komið sér upp, enda vekur það athygli hve vel hefur gengið hjá Háskólasetrinu að fá til sín alþjóðlegan námsmanna- og kennarahóp.

Hn�fsdalur fyrir hundra� �rum snj�fl��i� mikla

Thu, 04 Mar 2010 13:42:00 +0000

Í Vísindaporti föstudaginn 5. mars kl. 12.10, mun Sigríður Ólöf Kristjánsdóttir fjalla um þorpið í Hnífsdal fyrir hundrað árum og snjóflóðið mikla sem þar féll þann 18. febrúar árið 1910. Erindi svipaðs efnis hélt Sigríður upphaflega á samkomu sem kvenfélagið Hvöt í Hnífsdal stóð fyrir í Hnífsdalskapellu, þann 18. febrúar síðastliðinn, til minningar þá sem fórust í flóðinu.

Í erindinu mun Sigríður fjalla um samfélagið í Hnífsdal í upphafi 20. aldarinnar, ættarsamfélagið og atvinnuuppbyggingu um það leyti sem snjóflóðið mikla féll.

Þorp tók að myndast í Hnífsdal í lok 19. aldar og í byrjun 20. aldar var þar komin nokkur byggð og mikil atvinnustarfssemi í tengslum við búskap, árabátaútgerð og vélbátaútgerð sem var um þetta leyti að hefjast. Farið verður yfir þessa sögu í stuttu máli og einnig fjallað örlítið um snjóflóðið mikla sem.

Sigríður Ólöf Kristjánsdóttir er fædd og uppalin í Hnífsdal og starfar sem verkefnisstjóri hjá Impru á Nýsköpunarmiðstöð á Ísafirði.

Hlutverkaleikur um landnotkun strandsv��a

Wed, 03 Mar 2010 11:58:00 +0000

Hlutverkaleikurinn leiddi í ljós margskonar krefjandi úrlausnarefni. Taka þurfti tillit til ólíkra sjónarmiða bæði bæjarins sjálfs og hagsmunaaðilanna sem höfðu í fram ólík sjónarmið hvað skipulagsmál á Gold Island varðar með tilliti til nýju byggðarinnar. Eins og við er að búast geta hagsmunaárekstrar í slíkri ákvörðunartöku verið umtalsverðir, en hér áttu í hlut nemendur á annarri önn meistaranáms í haf- og strandsvæðastjórnun, svo umræðurnar fóru að mestu leyti fram kurteislega!

V�sindaport: "Einu skrefi lengra"

Wed, 24 Feb 2010 15:44:00 +0000

Í Vísindaporti föstudaginn 26. febrúar mun Etienne Gernez, meistaranemi við Háskólasetur Vestfjarða, fjalla um verkefnið "One Step Beyond" sem hann vann að síðastliðið sumar. Markmið verkefnisins var að safna dæmum og upplýsingum um það hvernig fólk getur tileinkað sér innihaldsríkari og sjálfbærari lífsstíl.

Etienne er upprunalega frá Normandí (Frakklandi) en starfar sem sjávarverkfræðingur í Noregi þar sem hann vinnur einkum með skipstjórum við að finna leiðir til að nota minna eldsneyti fyrir skip þeirra. Etienne er nú í námsleyfi og stundar meistaranám í haf- og strandsvæðastjórnun við Háskólasetrið. Síðastliðið sumar varði hann þremur mánuðum í að ferðast um Noreg, Svíþjóð og Danmörku og safnaði upplýsingum og uppskriftum að því hvernig megi öðlast innihaldsríkara líf, með verkefninu „One Step Beyond", sem mætti þýða „Einu skrefi lengra".

Spurður út í verkefnið, lýsir Etienne því svo:
„Loftslagsbreytingar, hnattræn hlýnun, gjörnýting auðlinda, sjálfbærni, grænn þvottur. Hvað hefur þetta með mig að gera? Hvaða áhrif hefur þetta á mitt daglega líf? Allt í kringum mig heyri ég mismunandi viðhorf; fólk sem hefur áhyggjur af þessu, fólk sem hefur engar áhyggjur, sumir gera eitthvað í málunum en aðrir ekki.
Og ég spurði mig, hvað á ég að gera í þessari óreiðu?
Ég fékk mig full saddan af allskonar hótunum frá Al Gore, kvikmyndinni the Age of Stupid, efasemdarmönnum um hnattræna hlýnun og fleirum. Allt þetta er bull, auk þess sem venjulegt fólk getur ekkert gert til að hafa áhrif. Svo ég ákvað að fara af stað í leit að bjartsýni, hugmyndum, uppskriftum, hetjum og hvetjandi sögum.
Ég komst að því að vandamál dagsins í dag eru ekki endilega ný og að í grunninn snýst þetta bara um það hvernig við viljum lifa lífinu. Ég fann fólk sem neitar að sitja hjá aðgerðarlaust, og lítur frekar á vandamálin sem einstakt tækifæri til að hugsa, gera tilraunir, skiptast á hugmyndum og auðga líf sitt. Í erindi mínu á föstudaginn mun ég fjalla um þetta ferðalag mitt og deila með ykkur þeim lærdómi sem ég öðlaðist í leit minni að innihaldsríkara lífi."

Hugmyndar��uneyti� � V�sindaporti

Thu, 18 Feb 2010 10:24:00 +0000

Gestur Vísindaports föstudaginn 19. febrúar er Guðjón Már Guðjónsson, sem löngum var kenndur við tölvufyrirtækið OZ en er nú betur þekktur sem einn af forsprökkum Hugmyndaráðuneytisins. Í erindi sínu í Vísindaporti mun Guðjón einmitti segja frá Hugmyndaráðuneytinu og því starfi sem þar fer fram. Sem fyrr hefst Vísindaportið kl. 12.10 og fer fram í kaffisal Háskólaseturs Vestfjarða.

Hugmyndaráðuneytið er grasrótarráðuneyti og samfélagsverkefni sem byggir á sjálfboðavinnu og tók til starfa í ársbyrjun 2009. Auk þess að vera öflugur vettvangur á netinu stendur Hugmyndaráðuneytið fyrir reglulegum hópfundum þar sem frumkvöðlar, hugsuðir og fagmenn frá ólíkum sviðum atvinnulífsins, háskólunum og stjórnsýslunni, hittast og skiptast á hugmyndum, reynslusögum, hlusta á fyrirlestra, mynda tengsl og veita hver öðrum stuðning til framkvæmda. Áhersla er lögð á jákvæðni og tækifæri.

Guðjón Már hefur verið frumkvöðull á sviði hátækni frá 18 ára aldri þegar hann stofnaði OZ. Síðar var hann var einnig einn af stofnendum Íslandssíma og Industria. Nýlega hlaut Guðjón alþjóðlega viðurkenningu JCI sem einn af tíu framúrskarandi frumkvöðlum, undir 40 ára aldri, sem náð hafa árangri innan nýsköpunar í viðskiptalífinu.

Ranns�knarstyrkir VaxVest fyrir n�msmenn

Tue, 16 Feb 2010 17:19:00 +0000

Í dag fengu nemendur meistaranáms í haf- og strandsvæðastjórnun kynningu á rannsóknarstyrkjum sem nemendum stendur til boða að sækja um til Vaxtarsamnigs Vestfjarða.

Styrkirnir eru ætlaðir verkefnum sem tengjast rannsóknum, nýsköpun og þróun í ákveðinni atvinnugrein eða fyrir atvinulífið í heild sinni og eiga að miðast við uppbyggingu samfélags og atvinnulífs á Vestfjörðum. Sérstaklega er hvatt til þess að nemendur vinni verkefnin í samstarfi við fyrirtæki innan Vestfjarða.

Umsóknarfrestur er til 31. mars en tilkynnt er um ákvörðun úthlutunarnefndar 30. apríl.

Allar nánari upplýsingar um rannsóknarstyrkina og reglur um úthlutun má nálgast á heimasíðu Vaxtarsamnings Vestfjarða.

Skipulagsn�mskei� � kj�lfar vistfr��in�mskei�s

Mon, 15 Feb 2010 14:37:00 +0000

Eftir þriggja vikna námskeið um vistfræði hafs og strandsvæða hjá Guðbjörgu Ástu Ólafsdóttur, Rannsóknarsetri Háskóla Íslands í Bolungarvík, tekur nú við þriggja vikna námskeiðið Planning of Coastal and Marine Regions, sem Morten Edvardsen, prófessor í skipulagi þétt- og strjálbýlis við háskólann í lífsvísindum í Ási í Noregi kennir.

Efnistök vistfræðinámskeiðsins voru fjölbreytt eins og efni námsmannakynninga, sem fram fóru í síðustu viku, leiða í ljós: Marglittur sem ráðast inn á ný svæði; flókin samsetning kóralrifja; lögun sjávarbotnsins; sjávarotrar á Aleut-eyjum sem hornsteinn í vistkerfi; inngrip í genamengi tegunda til að viðhalda stofnum; áhrif kjölvatns á vistkerfi og margt fleira. En nú þurfa nemendur sem sagt að taka fram landakortin, enda skipulag strandsvæða framundan.

Prófessor Morten Edvardsen kenndi skipulagsnámskeiðið einnig í fyrra. Það er afar jákvætt fyrir námsleiðina í haf- og strandsvæðastjórnun hve margir kennarar eru reiðubúnir að koma aftur á Ísafjörð og taka þátt í uppbyggingu námsleiðarinnar. Efni námskeiðsins um skipulag strandsvæða er nátengt rannsóknarverkefni um Nýtingaráætlun strandsvæða, sem Fjórðungssamband Vestfirðinga, Háskólasetur og Teiknistofa Eik, hafa hrundið í framkvæmd. Því má segja að námskeiði og rannsóknarverkefnið styðji vel við hvort annað.

Hva� gerir brunaverkfr��ingur eiginlega?

Thu, 11 Feb 2010 11:34:00 +0000

Í Vísindaporti föstudaginn 12. ferbrúar mun Anna Málfríður Jónsdóttir flytja erindi undir yfirskriftinni „Hvað gerir brunaverkfræðingur eiginlega?". Sem fyrr fer Vísindaportið fram í kaffisal Háskólaseturs og hefst klukkan 12.10 og er opið öllum.

Starfsheitið brunaverkfræðingur er ekki mjög þekkt og vekur oft furðu þegar það er nefnt. Þetta er nokkuð ný grein innan verkfræðinnar sem hefur vaxið hratt og því er eðlilegt að fólk spyrji hvað brunaverkfræðingar geri eiginlega? Í kynningunni verður farið yfir það í hverju starfið felst og hvers konar verkefni það eru sem helst koma inn á borð brunaverkfræðingsins. Það kemur eflaust á óvart hve fjölbreytileg þau geta verið miðað við hve sérhæft starfið er.

Anna Málfríður Jónsdóttir og er borin og barnfæddur Ísfirðingur. Hún lauk hönnunardeildarprófi frá Iðnskólanum í Hafnarfirði og svo frumgreinadeildarprófi frá Tækniskóla Íslands. Þaðan lá leiðin í Byggingartæknifræði við sama skóla og útskrifaðist Anna Málfríður ég með BSc. í Byggingartæknifræði frá Háskólanum í Reykjavík (eftir sameiningu Tækniskólans, síðar Tækniháskólans, og HR) árið 2006. Anna Málfríður vann við brunahönnun hjá VSI-öryggishönnun og ráðgjöf í Kópavogi þar til hún hóf mastersnám við Edinborgarháskóla haustið 2008. Hún útskrifaðist frá Edinborgarháskóla með MSc. í Structural and Fire Safety Engineering eða burðarþols- og brunaöryggisverkfræði í nóvember síðastliðnum.