Orđ eru sprengjur og setningar sverđ
Davíđ Stefánsson
Hvað er tungumálið? Til hvers er það notað? Af hverju heita allar vörur svona jákvæðum nöfnum? Af hverju eru sum orð vinsælli en önnur? Segir eitt orð meira en þúsund myndir? Getum við innbyrt endalaust magn af skilaboðum á einum degi - eða kemur að því að heilinn fær nóg?
Námskeiðið byggir á bókinni Tvískinnu og hefur tvö markmið: Að kenna gagnrýninn lestur og skapandi skrif. Tungumálið er valdatæki og það er hægt að nota til að hafa áhrif á manneskjur. Við lesum í táknskilaboðin í kringum okkur, án þess að fatta það, og því síast inn í hausinn allskyns áróður. Með þjálfun er hægt að öðlast betri meðvitund um skilaboðin og greina bullið frá ruglinu.
Allir geta skapað og skrifað. Svo einfalt er það. Það er bara spurning um vilja, ákvörðun og þjálfun. Á námskeiðinu verða iðkaðar skemmtilegar æfingar sem koma sköpuninni af stað og nemendum býðst að vinna með eigin hugmyndir að ljóðum, kvikmyndahandritum eða öðrum skálduðum texta.
