Þriggja vikna námskeið í íslensku máli og menningu
Námskeið í íslensku haldið á Ísafirði
dagana 2. - 20. ágúst 2010.
Frekari upplýsingar eru á ensku.
Námskeiðslýsing
Íslenskunámskeið þar sem menningu landsins er fléttað inn í tungumálanámið. Námið er ætlað erlendum borgurum sem áhuga hafa á að læra íslensku.
Nemendur ljúka samtals 88 fjölbreyttum og áhugaverðum kennslustundum, bæði í hefðbundnum kennslustofum og í spennandi dagsferðum um nágrenni Ísafjarðar.
Grundvallaratriði í málfræði og orðaforða verða kennd í gegnum fyrirlestra og æfingar. Lestrar- og skriftarkunnátta á stigi A2-B1 verður kennd í gegnum hópavinnu og lausnarleitarnám, til dæmis með því að bera kennsl á lykilorð og orðflokka, svo nemendur geti áttað sig á umfjöllunarefni texta. Nemendur taka þátt í samtalsæfingum í gegnum tungumálaleiki og lausnarleitarnám við raunverulegar aðstæður. Framburðaræfingar verða fjölbreytilegar og óvenjulegar. Ferð verður farin á söguslóðir Gísla sögu þar sem meðal annars veður boðið upp á einleik Elfars Loga Hannessonar upp úr Gísla sögu.
Vikulega sjá nemendur íslenska kvikmynd sem kennari fylgir úr hlaði með stuttu inngangserindi á einfaldri íslensku þar sem lykilorðaforði er kynntur. Myndirnar verða á íslensku en að hluta til með enskum texta. Að sýningu lokinni gefst nemendum kostur á að ræða myndina við kennarann.
Afþreyingardagskrá
Þótt tungumála- og menningarnámið sé í aðalhlutverki verður einnig í boði fjölbreytt afþreyingardagskrá.
Á Ísafirði eru í boði margskonar afþreying, s.s. skipulagðaar ferðir af ýmsu tagi. Þessar ferðir eru ekki innifaldar í námskeiðsgjaldinu.
Á Ísafirði finna nemendur fjölda áhugaverðra staða, þar eru kaffihús, veitingastaðir og skemmtistaðir. Þar er líka sundlaug, golfvöllur og margt fleira auk þess sem náttúran í kring býður upp á ýmsa möguleika. Þátttaka í daglegu lífi í litlu bæjarfélagi á landsbyggðinni eins og Ísafirði auðveldar nemendum að fá tilfinningu fyrir íslensku samfélagi.
Hér er um að ræða áhugavert sumarnámskeið í fallegri náttúru Vestfjarða. Háskólasetur Vestfjarða hefur reynslu af því að halda íslenskunámskeið fyrir erlenda stúdenta og borgara og býður nemendur hjartanlega velkomna.
Frekari upplýsingar eru á ensku.
Námskeiðslýsing
Íslenskunámskeið þar sem menningu landsins er fléttað inn í tungumálanámið. Námið er ætlað erlendum borgurum sem áhuga hafa á að læra íslensku.
Nemendur ljúka samtals 88 fjölbreyttum og áhugaverðum kennslustundum, bæði í hefðbundnum kennslustofum og í spennandi dagsferðum um nágrenni Ísafjarðar.
Grundvallaratriði í málfræði og orðaforða verða kennd í gegnum fyrirlestra og æfingar. Lestrar- og skriftarkunnátta á stigi A2-B1 verður kennd í gegnum hópavinnu og lausnarleitarnám, til dæmis með því að bera kennsl á lykilorð og orðflokka, svo nemendur geti áttað sig á umfjöllunarefni texta. Nemendur taka þátt í samtalsæfingum í gegnum tungumálaleiki og lausnarleitarnám við raunverulegar aðstæður. Framburðaræfingar verða fjölbreytilegar og óvenjulegar. Ferð verður farin á söguslóðir Gísla sögu þar sem meðal annars veður boðið upp á einleik Elfars Loga Hannessonar upp úr Gísla sögu.
Vikulega sjá nemendur íslenska kvikmynd sem kennari fylgir úr hlaði með stuttu inngangserindi á einfaldri íslensku þar sem lykilorðaforði er kynntur. Myndirnar verða á íslensku en að hluta til með enskum texta. Að sýningu lokinni gefst nemendum kostur á að ræða myndina við kennarann.
Afþreyingardagskrá
Þótt tungumála- og menningarnámið sé í aðalhlutverki verður einnig í boði fjölbreytt afþreyingardagskrá.
Á Ísafirði eru í boði margskonar afþreying, s.s. skipulagðaar ferðir af ýmsu tagi. Þessar ferðir eru ekki innifaldar í námskeiðsgjaldinu.
Á Ísafirði finna nemendur fjölda áhugaverðra staða, þar eru kaffihús, veitingastaðir og skemmtistaðir. Þar er líka sundlaug, golfvöllur og margt fleira auk þess sem náttúran í kring býður upp á ýmsa möguleika. Þátttaka í daglegu lífi í litlu bæjarfélagi á landsbyggðinni eins og Ísafirði auðveldar nemendum að fá tilfinningu fyrir íslensku samfélagi.
Hér er um að ræða áhugavert sumarnámskeið í fallegri náttúru Vestfjarða. Háskólasetur Vestfjarða hefur reynslu af því að halda íslenskunámskeið fyrir erlenda stúdenta og borgara og býður nemendur hjartanlega velkomna.
