Eftirtaldir geta sótt um nám í frumgreinum:

1. Þeir sem hafa lokið skilgreindu starfsnámi, þ.e. burtfararprófi úr iðn-, verkmennta-, fjölbrautaskóla, eða sambærilegu námi.  Ath:  Ekki er gerð krafa um sveinspróf.

2. Nemendur sem uppfylla ekki skilyrði númer 1 geta einnig sótt um nám í frumgreinum hafi þeir umtalsverða starfsreynslu.  Fyrir þessa nemendur er lengd námsins og samsetning háð undirbúningi viðkomandi.

3. Nemendur sem þegar hafa lokið stúdentsprófi en hafa ekki nægjanlegan fjölda eininga í stærðfræði og eðlisfræði.  Þessir nemendur geta bætt við sig þeim einingum sem upp á vantar í frumgreinanámi og er lengd námsins háð fyrra námi viðkomandi.